P. 1
Eus06 - Suminaren Estrategia

Eus06 - Suminaren Estrategia

|Views: 4,016|Likes:
Published by Eneko
Uploaded from Google Docs
Uploaded from Google Docs

More info:

Categories:Types, School Work
Published by: Eneko on Jan 24, 2011
Copyright:Attribution Non-commercial

Availability:

Read on Scribd mobile: iPhone, iPad and Android.
download as DOC, PDF, TXT or read online from Scribd
See more
See less

10/13/2013

pdf

text

original

Suminaren Estrategia

Eneko Sarasola - 4.C

Haria
Istorioaren protagonista Aimar Goikoetxea da, Donostian bizi den antropologo gazte bat. Egun batean, Flora izeneko emakume baten dei bat jasotzen du, bere laguntza eskatuz. Emakumeak literatura lehiaketa bati esker ezagutzen zuen Aimar (izan ere, Aimar idazlea ere bada) eta bere semea itzultzearren, mutikoak errealitatea manipulatzea nahi zuen. Zenbait datu ematen dizkio bere ikerketa egiteko eta hogei mila euro lanagatik. Florak esaten dionaren arabera, emakumearen seme Fede Ayestak etxetik alde egin zuen bere amak mesprezu egiten ziolako Garbiñeri (bere bikotea zena); gainera, duela bi urte, bere aita hil zen istripu batean, bere goibeltasuna areagotzen zuena. Aimar hurrengo egunean bertan hasi zen bere ikerketarekin, Erika izeneko neskatxa bat bilatuz. Florak esandakoaren arabera, Erika Federen lagunik minena zen; zitekeena zen bere etxean egotea azken egun hauek. Bere etxearen aurrean margolari gisa mozorrotu zen beragan arreta pizteko. Eta plana ondo atera zitzaion, gau horretan bertan neskarekin zegoen ostatu batean, eta Garbiñeri buruz behar zuen guztia kontatu zion. Garbiñe egun batzuk zirela joana zen Bilbora erizain lanetara; beraz, Aimarrek bazekien zer norabidetan eman hurrengo pausoa. Apaizez mozorroturik, Aimar Bilbora doa hurrengo egunean Bilboko ospitalera Garbiñe ezagutzera. Dismuluz, Aimar maitasun kontuei buruz hitzegiten hasten da, Federen gaia atera arte. Garbiñek konfidantza osoa duenez apaizarengan, gutun bat ematen dio Aimarri, Fedek jaso dezan. Bilbotik at egiten duenean, gutuna irakurtzen du, eta harritzen duen gauza bat irakurtzen du: gutuna 'laster arte' batekin bukatzen du. Hurrengo goizean, Florak haserre deitzen dio ia zer egin duen galdetu, Garbiñe goiz hartan suizidatu baitzen. Aimar errudun sentitzen da alde batetik, baina atzera begiratu gabe aurrera jarraitzea erabakitzen du. Fede depresioak jota zegoenez, psikologo bat zuen Donostian. Antropologoa psikologoaren kontsultara joan zen Fedetaz galdezka, eta zertxobait kostata, lortzen du informazio pixka bat. Garbiñeren suizidoa ere komentatu zuten, eta psikologoak, argazkia ikusirik, fitxategi baten bila doa. Bere gaixoetako bat izan zela dio, Isabel Muga izenekoa. Momentu hortan bazuen nondik jarraitu. Gauean, bere pisukide Diegori Erikaren erretratu bat eskatzen dio, eta itzalekin zerikusia izan behar zuen (lehenengo aldian, itzalak izan baitziren bere argudio nagusia neskatxarekin) hura txunditzeko eta bide batez informazio gehiago lortzeko. Hurrengo egunean Erikarekin geratzen da, eta nondik jarraitu lortzen du: Gerardo Ayesta, Floraren senarra hil zenean, Florak enpresa itxi egin zuen, zorra handiak eta jendea kalean utzi;

zenbait langileren suizidoak ere ondorioztatu zuen enpresaren itxierak. Gertakizun hauen inguruan gehiago miatu zuen Aimarrek, lehenengo eta behin Interneten, eta gero Koldo Mitxelena liburutegiko hemerotekan. Azken honetan baliagarria zen informazioa aurkitu zuen: suizidatutako langileen izen-abizenak. Lortutako izenak Google bilatzailean bilatu, eta xakejokalari baten izen bat lortu zuen, suizidatutako langile baten alaba zena. Tamalez, datu gutxi zeuden hari buruz; besteak beste, Irunen bizi zela. Otu zitzaion leku bakarra Irungo xake taldea izan zen. Han, eta Garbiñeren (edo Isabel Mugaren) argazkia erakutsi zion han zegoen xake jokalari bakarrari. Hark esan zuen noizean behin zihoala xakean jolastera, baina bizpahiru urte zirela joan ez zenetik. Bere izenagatik galdetu zuen, eta pixka bat denboran atzera egin ahala, burura etorri zitzaion Udane Irabien deitzen zela. Aimarrek bazituen jadanik zenbait teoria istoriaren zergatiak azaltzeko. Dena den, argi zuen gauza bakarra Udane Irabien, Garbiñe eta Isabel Muga pertsona bera zirela zen. Federekin harremanetan jartzeko momentua zela uste zuen Aimarrek, beraz deitzeari ekin zion eta, hasieran Fede uzkur egon arren, Aimarrek konbentzitu egiten du nonbait geratzeaz, kontua Garbiñeri buruz dela argudiatuz. Udane Federen etxera doa (Garbiñeren izpiritua dela uste du Fedek) eta hiltzera animatzen du Udanek, neskak berak emandako pilula batzuen bidez. Fedek hildakoarena egiten du, eta Udanek dena garbitzen du aztarnarik ez uzteko. Ateratzean, Aimar aurkitzen du, Fede ere ohetik jaiki eta Udaneri esaten diote dena grabatuta zegoela eta pilula horiek ez zirela Udanek emandakoak, efekturik gabeko batzuk baizik. Orduan, Aimar eta Udane kafetegi batera doaz gauzak argitzera. Aimarrek esaten du oso landuta eta ondo pentsatuta zegoela estrategia guztia, suminaren estrategia. Gainera, Flora gartzelara joango dela esaten dio, egin duen kalte guztiarengatik. Gainera, ez du Udane salatuko egin duen guztiarengatik.

Pertsonaiak
• Aimar Etxeberria istorioaren protagonista da. Donostian bizi da. Antropologoa da eta idaztea atsegin du. Errealitatea aldatzeko ahalmen handia du, horregatik aukeratzen du Florak bere seme Fede berreskuratzeko. • Fede Ayesta bere etxetik at egin duen mutiko bat da. Bere amak bera aurkitu nahian, Aimarri eskatzen dio laguntza. • Flora Urbina Federen ama da, eta laguntza eskatzen dio Aimarri bere semea aurkitzeko. Diruduna den arren, zorra asko utzi zituen bere senarraren enpresa Gerayesa ixtean. • Erika Federen lagun minena da, Donostian bizi da eta margolanak atsegin ditu. Aimarrek lehenengo informazio-iturri gisa erabili zuen bere ikerketan, margolariz mozorrotuz eta bere atentzioa deituz.

• Udane Irabien eleberriko antagonista nagusia da. Bere helburu nagusia Florari min egitea da, hura izan baizen bere aitaren suizidioa eragin zuena. Horretarako, bi pertsonaz 'mozorrotzen' da: Garbiñe, Federen neska laguna; eta Isabel Muga, Álvaro Ereño psikologoaren gaixo bat. Azkenean bere planak (Suminaren Estrategia) huts egiten du, Aimarrek asmatzen baitu zein ziren asmoak eta ondorioz, aurreratu egiten baita. • Diego Aimarren pisukidea da. Margolaria da. Eleberrian gutxitan azaltzen da, baina dirudienez Aimarren lagun ona da, honek margolana egiteko eskatu eta segituan baietz esaten baitio.

Ingurugiroa
Istorio guztia hirian garatzen da; horren ondorioz, pertsonai guztiek ‘hirikoi’ jarduten dute. Eleberriak dituen ezaugarriek ezinezkoa egiten dute istorioa baserrian kokatzea: hilketak, ikerketak, iruzurrak eta halakoak hirian ematen dira gehien; gainera, hiriko giroak xarma gehiago ematen dio horrelako istorioari baserrikoak baino. Ia pertsonai guztiak lauak dira, Aimar eta Udane izan ezik: pertsonaien ekintzak erraz aurreikusi daitezke. Guztiak dira, gainera, fisikoki berdintsuak: gazteak, (ez du ematen inork 40 urteak pasatxo dituenik, Flora ezik), hirikoiak, (teknologiarekin trebeak, hiria ezagutzen dute) eta inork ez du ezaugarririk fisikoki oso nabarmena (ezindua izatea, esaterako). Nabarmen den beste ezaugarri bat guztiek elkarretaz fidatzen ez direla da. Une oron batez edo bestez ez da fidatzen Aimar (eta beste pertsonai batzuk). Honek misteriotsua egiten du istorioa.

Iritzia
Eleberri hau oso interesgarria iruditu zait arrazoi desberdinengatik: Lehenik eta behin, oso erritmo ona du, eta horrek irakurketa erraztu egiten du. Ekintza berriak etengabe gertatzeak oso arina eta interesgarria egiten du irakurketa. Bestalde, ona zirudiena ere balikete hain ondo ez egotea: Beharbada gertakizun gehiegi dira orrialde gutxitan; liburua zertxobait luzeago izango balitz, gutxienez niri ez litzaidake gertakizunak pilatuta daudenaren sentsazioa emango. Gainera, gustoko dut eleberriaren planteamendua: istorio fiktizioaren barruan beste fikzio bat sortzen da, interesgarritasuna eta jakinmina sortuz hasiera-hasieratik. Egiari eta gezurrari buruzko erreferentzia asko daude eleberri guztian zehar. Gutxien gustoko izan dudan ezaugarria oso lerro zuzena dagoela eleberri guztian. Protagonistari ez zaizkio gauzak gaizki ezta batean ere ateratzen eta horrek oso irreala bihurtzen du argumentu guztia. Beharbada istorio guztiari buelta ematen dion ezusteko gertakari bat da eleberriak behar duena benetan oso interesgarria egiteko.

You're Reading a Free Preview

Download
scribd
/*********** DO NOT ALTER ANYTHING BELOW THIS LINE ! ************/ var s_code=s.t();if(s_code)document.write(s_code)//-->